Dell Technologies компаниас Ай Ти Зон ХХК -тай хамтран жил бүр уламжлал болгон зохион байгуулдаг форум энэ жил “Tech Symposium Mongolia 2025: Navigating the AI-Driven Future” сэдвийн дор амжилттай зохион байгуулагдаж технологиор дам бизнесийн өрсөлдөх чадвараа нэмэх зорилготой 300 гаруй мэдээлэл технологийн салбарын шийдвэр гаргагч, инженер, мэргэжилтнүүд хүрэлцэн ирлээ.

Энэхүү арга хэмжээгээр хиймэл оюунд суурилсан инновац, модерн дата менежментийн стратеги, кибер тэсвэртэй байдал болон дараа үеийн мэдээлэл технологийн дэд бүтцийн шийдэл зэрэг чухал сэдвүүдээр Dell Technologies компанийн Хөгжиж буй орнуудыг хариуцсан захирал болон дэд бүтэц, сүлжээ, аюулгүй байдлын технологийн экспертүүд хүрэлцэн ирж өөрсдийн туршлагаас хуваалцахын зэрэгцээ мэдээлэл технологийн салбарын хамгийн сүүлийн үеийн чиг хандлага, ирээдүйн зураглалаас хүргэсэн юм.

Хиймэл оюун ухаан бол зүгээр нэг тренд биш, харин бидний ажиллах, бүтээх, шийдвэр гаргах арга барилыг үндсээр нь өөрчилж буй шинэ эрин үе юм. Тэгвэл энэ эрин рүү хэрхэн амжилттай шилжиж нарийн төвөгтэй үйл явцыг автоматжуулах, асар их хэмжээний өгөгдлөөс хэрэгжүүлэх боломжтой ойлголтыг нээх, шийдвэр гаргалтыг сайжруулах, инновацыг өргөн цар хүрээтэй хэрэгжүүлэх талаар Tech Symposium Mongolia 2025 арга хэмжээ нийт оролцогчдодоо амжилттай хүргэлээ.

Түүнчлэн энэ удаагийн арга хэмжээгээр Dell компани өөрсдийн шинээр гаргаж буй бизнесийн мэргэжилтнүүдэд зориулагдсан өндөр хүчин чадалтай аюулгүй байдал, бүтээмжид анхаарсан эргономик загвар бүхий Dell Pro хиймэл оюун ухаант компьютерын цувралыг Монголын хэрэглэгч харилцагч нартаа албан ёсоор танилцууллаа. Тус компьютер нь энэ сард олон улсад нээлтээ хийсэн бөгөөд Монгол Улсад энэ зунаас эхлэн худалдаалагдаж эхэлнэ.

Мөн Tech Symposium Mongolia 2025 арга хэмжээний хамгийн онцлох хэсэг нь оролцогчдод зориулсан Dell Technologies компанийн мэргэжлийн экспертүүдээс шууд зөвлөгөө авах боломж бүхий Expert Zone байлаа.

Хиймэл оюуны хөлгүй их далайд хөвөх завь, чиглүүлэх сэлүүрийг хамтдаа олох зорилготой энэхүү арга хэмжээг Dell Technologies компани, түүний Монгол дахь албан ёсны Тэргүүн түнш Ай Ти Зон компани хамтран харилцагч нартаа хүргэлээ.

Хүрэлцэн ирсэн нийт оролцогчдодоо баярлалаа. Та бүхний хиймэл оюунаар жигүүрлэсэн дижитал аялалд амжилт хүсье.

See you NEXT YEAR