Dell Technologies компаниас CXO, бизнесийн үйл ажиллагаа хариуцсан захирал, дунд шатны менежер болон мэдээллийн технологийн менежерүүдэд тусгайлан зориулсан Accelerate AI innovation at the Edge with Dell Technologies арга хэмжээ амжилттай зохион байгуулагдлаа.

Энэхүү арга хэмжээгээр Dell Technologies компанийн AI болон Edge эксперт хүрэлцэн ирж хиймэл оюун ухааны нарийн төвөгтэй орчныг оновчтой удирдан, бизнесийн шинэ боломжуудыг нээж, бүтээмжээ нэмэгдүүлэхэд туслах сүүлийн үеийн AI шийдлүүдийг хэрхэн нэвтрүүлэх тухай танилцуулсан ба AI ийг энтерпрайз түвшинд хэрэгжүүлэхэд эхний элжинд заавал том хэмжээний дэд бүтэц бий болгохгүйгээр Usecase ээ хэрхэн зөв тодорхойлох тухайн Usecase-с хамаараад AI Inferencing, Model Augmentation болон Fine Tuning зэргийг хэрхэн хийж эхлэх талаар мэдээлэл хуваалцлаа.

Түүнчлэн NativeEdge болон AI Application Blueprinting сэдэвт илтгэл нь оролцогчдод өөрсдийн бизнесийн хэрэгцээнд тохирсон хиймэл оюун ухааны шийдлүүдийг хэрхэн боловсруулах тухай цогц байдлаар танилцуулж, хиймэл оюун ухааны програмуудыг хэрхэн амжилттай байршуулж, гүйцэтгэл, хариу үйлдэл зэргийг оновчтой болгох талаар харуулсан юм.

Мөн Computer Vision ба AI шийдлийн тухай бодит кейс нь оролцогчдод Dell Technologies -н бүтээгдэхүүн шийдлүүд жижиглэн худалдаа, уул уурхай, мал аж ахуй зэрэг бизнесийн бүхий л орчинд үйл ажиллагааг хэрхэн сайжруулж, зардал бууруулахын зэрэгцээ илүү ухаалаг бодит цагийн шийдвэр гаргалт, автоматжуулалтаар хангаж байгаатай танилцах боломж олгосон.

Ай Ти Зон компани 2000 оноос хойш Dell брэндийн Тэргүүн түншээр (Premier Partner) хамтран ажиллаж Dell Technologies-н бүтээгдэхүүн шийдлүүдийг Монголын зах зээлд өөрсдийн мэргэшсэн инженерийн багаар дамжуулан хүргэсээр байна.