Байгууллагууд гаднын болон дотоод эрсдэлүүдээс биет аюулгүй байдлаа найдвартай хамгаалж, аюулгүй байдлын дэвшилтэт технологи, чиг хандлагуудтай зэрэгцэн алхдаг байх нь нэн чухал. Тийм ч учраас Ай Ти Зон компани хиймэл оюун ухаанаар улам хүчирхэгжсэн биет аюулгүй байдлын технологийн дэвшлүүдийг хэрэглэгч харилцагч нартаа танилцуулахаар SecureTech 1.0 арга хэмжээг Axis, Milestone, Suprema компаниудтай хамтран 2 дах жилдээ амжилттай зохион байгууллаа.  

Энэхүү арга хэмжээнд Монголын томоохон байгууллагуудын биет аюулгүй байдал хариуцсан 50 гаруй мэргэжилтэн, удирдлагууд оролцсон ба дэлхийн технологийн тэргүүлэгчид болох Milestone, Axis, Suprema компанийн төлөөллүүд биечлэн оролцож олон улсын туршлага, шинэ үеийн шийдлүүдээ танилцуулахын зэрэгцээ биет аюулгүй байдлын өнөөгийн нөхцөл байдал, цаашдын чиг хандлагын талаар хэлэлцлээ.

Арга хэмжээний үеэр Axis компани хяналтын камерын технологийн хамгийн сүүлийн үеийн хөгжлийг харуулсан Unlocking Potential: Innovations in Axis Cameras сэдэвтэй илтгэлийг тавьсан бөгөөд тус илтгэлээр дэвшилтэт функцүүдийн олон талт хэрэглээний талаарх ойлголтыг хуваалцаж, хяналтын чадавхыг сайжруулахын тулд камерын тохиргоог хэрхэн өргөн хүрээнд саадгүй нэгтгэж болох талаар хуваалцлаа.

Milestone компанийн хувьд видео удирдлагын системийн гол онцлогууд болох, өргөтгөх чадвар, сайжруулсан хяналт зэрэг аюулгүй байдлын янз бүрийн хувилбаруудад үр дүнтэй ашиглах шилдэг туршлагуудаа танилцуулсан бол Suprema компани Дижитал эрин үед биет аюулгүй байдлыг хэрхэн сайжруулах талаар үнэ цэнтэй мэдээлэл хуваалцаж өнөөгийн ажлын орчинд нийцсэн аюулгүй, дасан зохицох чадвартай хандалт удирдлагын шийдлүүдийг танилцууллаа.

Түүнчлэн Axis, Milestone, Suprema брэндийн шийдлүүдийг хослуулсан байдлаар янз бүрийн салбарт амжилттай хэрэгжүүлж буй бодит кейс, практик хэрэглээ, үр дүнгийн талаар хэрэглэгчдэдээ хүргэж хиймэл оюун ухаанд суурилсан аналитикийн үүрэг хэрхэн нэмэгдэж байгааг онцлон видео аналитик дахь инновацын талаар хэлэлцлээ.

Ай Ти Зон компани нь таны дижитал аяллын итгэлт түнш байж Axis, Milestone, Suprema зэрэг тэргүүлэгч брэндүүдийн биет аюулгүй байдлын шийдлийг өөрсдийн мэргэшсэн, туршлагатай инженерийн багаар дамжуулан Монголын зах зээлд албан ёсны эрхтэйгээр хүргэж байна.