“PlayTime 2015”-ыг Canon брэнд ивээн тэтгэлээ

Нийтэлсэн: 2015.07.21 | |

“Найрсаг Улаанбаатар” хөтөлбөрийн хүрээнд “PLAYTIME 2015” амьд хөгжмийн наадам Гачуурт дахь Монгол шилтгээнд 6 дугаар сарын 27, 28-ны өдрүүдэд боллоо. Тус наадам нь 14 дэх жилдээ зохион байгуулагдаж байгаа бөгөөд орчин үеийн хөгжмийн соёлыг хөгжүүлэх, залууст амралт чөлөөт цагаа цэвэр агаарт, байгаль орчинд ээлтэй хэлбэрээр өнгөрүүлэх, дэлхийн болон монголын шинэ, шилдэг амьд хөгжмийн хамтлаг дуучдыг танилцуулах замаар тэдний хөгжмийн боловсролыг дээшлүүлэх зорилготой юм.  

“PlayTime 2015” наадмын хүрээнд Америкийн болон Бүгд Найрамдах Солонгос улсын амьд хөгжмийн хамтлагууд, мөн Монголын Нисванис, Никитон, The Lemons, Моханик зэрэг шинэ шилдэг 40 гаруй хамтлаг дуучид оролцсон юм. Энэ удаагийн наадам PlayTime, Шинэ давлагаа, Нааглихац гэсэн 3 тайзаар дамжуулан дэлхийн болон Монголын амьд хөгжмийн уран бүтээлчдийг танилцуулсан нь өмнөх жилүүдийн наадмаас онцлог байсан юм. Canon брэнд тус наадмын ивээн тэтгэгчээр анх удаа оролцож өөрийн нэрийн бөмбөлгийг тэнгэрт хөөргөж, улаан асраа барьсан юм. Энд тус наадмын түүхийг өгүүлэх гэрэл зургийн үзэсгэлэн гаргаж, олноо дэлгэн үзүүлэв. Canon брэндийн асар дахь зургийн үзэсгэлэнгээс PlayTime наадам 2003 оноос өнөөдрийг хүртэл хэрхэн хөгжиж, өргөжиж ирснийг харах боломжтой байсны зэрэгцээ их хотын залуусын эрх чөлөөт хэв маяг, хандлага загварыг хэрхэн хувьсч байгааг давхар харуулсан байлаа.

Ямар нэгэн арга хэмжээг хожим дурсахад хамгийн үнэт зүйл бол яах аргагүй гэрэл зураг байдаг. Тэгвэл Canon брэнд PlayTime 2015-ын агшин хором бүрийг мөнхлөн үлдээх гэрэл зургийн үйлчилгээг наадмын үеэр үнэ төлбөргүй үзүүлсэн юм. Хамт олон, найз нөхдөөрөө хамтдаа зураг авахуулах тусгай талбай байгуулж, мэргэжлийн гэрэл зурагчид наадамд оролцогчдын зургийг авч өгснөөс гадна зургийг нь газар дээр нь угааж өгч үйлчлэв. Энэ нь гар утас, компьютерийн аль нэг хадгалах төхөөрөмжид таны зураг үлдэж мартагдах биш үргэлж дэргэд байх бодит дурсамж болон үлдлээ хэмээн амьд хөгжим сонирхогч залуус сэтгэл өндөр байсан юм. 

 

Үндсэн цэс